1777043252
უცხოეთი
პიტ ჰეგსეთი: ირანს აქვს შანსი, დადოს კარგი და გონივრული გარიგება
აშშ-მა ირანში გადამწყვეტ სამხედრო შედეგს სულ რაღაც რამდენიმე კვირაში მიაღწია, - ამის შესახებ აშშ-ის თავდაცვის მდივანმა პიტ ჰეგსეთმა პრესკონფერენციაზე განაცხადა.
„საბოლოო ჯამში, ირანს ბირთვული იარაღი არ ექნება“, - აღნიშნა ჰეგსეთმა.
როგორც აშშ-ის თავდაცვის მდივანმა აღნიშნა, ირანს აქვს შანსი, „კარგი, გონივრული გარიგება დადოს“.
ჰეგსეთმა ხაზი გაუსვა, რომ აშშ-ის საზღვაო ძალების მიერ ირანის პორტებზე დაწესებული ბლოკადა „დღითი დღე უფრო და უფრო ძლიერდება“.
მისი თქმით, აშშ-ის საზღვაო ძალები ბლოკადას „ყოყმანისა და ბოდიშის მოხდის გარეშე“ ახორციელებენ.
