გერმანიის კანცლერის, ფრიდრიხ მერცის პარტია შესაძლოა, კიდევ ერთი რეგიონის არჩევნებში პარლამენტის გარეთ აღმოჩნდეს.

მერცის კონსერვატორები შიშობენ, რომ მომავალ არჩევნებზე მეკლენბურგ-წინა პომერანიის პარლამენტში შესვლას ვერ შეძლებენ. ადგილების მოსაპოვებლად პარტიამ ხმების, სულ მცირე, 5% უნდა მოაგროვოს.

„არსებობს შეშფოთება, რომ ჩვენ ვერ შევძლებთ 5-პროცენტიანი ბარიერის გადალახვას“, – განაცხადა მარკ რაინჰარდტმა, ამ რეგიონის პარლამენტში ქრისტიანულ-დემოკრატიული კავშირის (CDU) ფრაქციის თავმჯდომარის მოადგილემ.

ბოლოდროინდელი გამოკითხვების თანახმად, ქრისტიანულ-დემოკრატიული კავშირს, 7%-იანი მხარდაჭერა აქვს. ეს მეორე მსოფლიო ომის შემდეგ ფედერალურ ან რეგიონის არჩევნებში ყველაზე ცუდი შედეგი იქნება პარტიისთვის, რომელიც გერმანიის ორი ტრადიციული „სახალხო პარტიიდან“ (Volksparteien) ერთ-ერთად მიიჩნევა. პარტია „ალტერნატივა გერმანიისთვის“ (AfD) გამოკითხვებში დაახლოებით 35-37%-ით ლიდერობს. სოციალ-დემოკრატები (SPD), რომლებსაც რეგიონის ამჟამინდელი პრემიერ-მინისტრი მანუელა შვეზიგი ხელმძღვანელობს, დაახლოებით 34% მეორე ადგილს დაიკავებენ.

მეკლენბურგ-წინა პომერანიაში რეგიონული არჩევნები 20 სექტემბერს გაიმართება. გერმანული მედიის ინფორმაციით, კანცლერის პოპულარობა მკვეთრად ეცემა. ამჟამად გერმანელთა მხოლოდ 14% მიიჩნევს, რომ ფრიდრიხ მერცი ამ თანამდებობისთვის შესაფერისი კანდიდატია.