ევროკომისიის პრეზიდენტი ურსულა ფონ დერ ლაიენი პარიზში სლოვაკეთის პრემიერ-მინისტრ რობერტ ფიცოს შეხვდა. ამის შესახებ მან სოციალურ ქსელ X-ზე დაწერა. 

ფონ დერ ლაიენმა და ფიცომ განიხილეს ევროპელებისთვის ენერგიის ხელმისაწვდომი ფასების აუცილებლობა, სლოვაკეთისა და ევროკავშირის უსაფრთხო ენერგომომარაგების შენარჩუნების პარალელურად.

„ჩვენი ენერგეტიკული დამოუკიდებლობა საფრთხის ქვეშაა. ეს ასევე იქნება ცენტრალური თემა ევროკავშირის მომავალ სამიტზე“, - აღნიშნა ფონ დერ ლაიენმა.

მათ ასევე განიხილეს NextGenerationEU პროგრამის განხორციელება და აუცილებელი ნაბიჯები, განსაკუთრებით მართლმსაჯულების სფეროში, „რათა სლოვაკეთმა მაქსიმალურად ისარგებლოს ამ ინვესტიციებით“.

I met Prime Minister @RobertFicoSVK in Paris today.

We discussed the need for affordable energy prices for Europeans while maintaining secure supplies for Slovakia and the EU. Our energy independence is at stake.

This will also be a central topic at our upcoming EUCO Summit.… pic.twitter.com/UXxNNb18W8

— Ursula von der Leyen (@vonderleyen) March 10, 2026