1743619333
უცხოეთი
ფიცო უკრაინისა და სლოვაკეთის მთავრობებს შორის მორიგ შეხვედრას არ გამორიცხავს
სლოვაკეთის მთავრობა დაინტერესებულია უკრაინის მთავრობასთან მესამე ერთობლივი შეხვედრის გამართვით. ამის შესახებ სლოვაკეთის პრემიერ-მინისტრმა რობერტ ფიცომ პრესკონფერენციაზე განაცხადა.
ფიცოს თქმით, მზად არის, უკრაინის პრემიერ-მინისტრ დენის შმიგალთან სატელეფონო საუბარი გამართოს.
„ჩვენ მზად ვართ დაუყოვნებლივ“, - აღნიშნა სლოვაკეთის პრემიერმა.
ამასთან, ფიცომ დასძინა, რომ უკრაინასა და სლოვაკეთს შორის მთავრობათაშორისი შეხვედრა შეიძლება ჩატარდეს ორივე ქვეყნის საზღვართან ახლოს, თუმცა მოლაპარაკების თემა შეიძლება იყოს მხოლოდ სამოქალაქო პროექტები და არა იარაღი.
ცნობისთვის, გასული წლის განმავლობაში უკრაინულმა და სლოვაკურმა მხარეებმა მთავრობათაშორისი კონსულტაციები გამართეს - აპრილში სლოვაკეთის ქალაქ მიხალოვცეში და ოქტომბერში უჟგოროდის მახლობლად.
