1743447030
უცხოეთი
ფიცო აცხადებს, რომ ხუმრობით თქვა, თითქოს ურსულა ფონ დერ ლაიენმა იდიოტი უწოდა
სლოვაკეთის პრემიერ-მინისტრმა რობერტ ფიცომ განაცხადა, რომ ევროკომისიის პრეზიდენტთან, ურსულა ფონ დერ ლაიენთან საუბრის შესახებ ნათქვამი, რომელმაც თითქოს ფიცოს იდიოტი უწოდა, ხუმრობა იყო.
მისი თქმით, ის ნამდვილად ესაუბრა ფონ დერ ლაიენს ტარიფებზე.
„იმედი მაქვს, რომ ევროკომისიის პრეზიდენტმა გაიგო ხუმრობა დღევანდელი პრესკონფერენციიდან, როდესაც ჟურნალისტებს ვუთხარი, რომ ევროკავშირის პრეზიდენტმა საშინლად გამლანძღა იმის გამო, რომ არაფერი გავაკეთე, როგორც სლოვაკეთის ოპოზიცია ამტკიცებს, რათა თავიდან ამეცილებინა აშშ-ის მიერ მთელი მსოფლიოს წინააღმდეგ ახალი ტარიფების დაწესება“, - წერს ფიცო.
მან, ასევე, აღნიშნა, რომ სლოვაკურმა მედიამ და ოპოზიციამ ხუმრობა ვერ გაიგეს.
