უნგრეთის პრემიერ-მინისტრმა ვიქტორ ორბანმა განაცხადა, რომ მისმა ქვეყანამ აშშ-ის პრეზიდენტ დონალდ ტრამპსა და კრემლის ლიდერ ვლადიმერ პუტინს შორის შეხვედრისთვის მზადება დაიწყო. ამის შესახებ მან სოციალურ ქსელ X-ზე დაწერა. 

16 ოქტომბრის საღამოს ორბანმა განაცხადა, რომ მას აშშ-ის პრეზიდენტ დონალდ ტრამპთან სატელეფონო საუბარი ჰქონდა.

„ახლახან ვესაუბრე ტელეფონით პრეზიდენტ დონალდ ტრამპს. აშშ-სა და რუსეთს შორის სამშვიდობო სამიტისთვის მზადება მიმდინარეობს. უნგრეთი მშვიდობის კუნძულია!“, - დაწერა მან.

I just got off the phone with President @realDonaldTrump. Preparations for the USA-Russia peace summit are underway.

Hungary is the island of PEACE!

— Orbán Viktor (@PM_ViktorOrban) October 16, 2025

შეგახსენებთ, 16 ოქტომბერს თეთრი სახლისა და კრემლის ლიდერების სატელეფონო საუბარი გაიმართა. სატელეფონო საუბრის შემდეგ დონალდ ტრამპმა განაცხადა, რომ ბუდაპეშტში პუტინს შეხვდება.

მისივე თქმით, შეხვედრა შესაძლოა, ორ კვირაში გაიმართოს.