ევროპის თავზე შავი ღრუბლები გროვდება - ბრიუსელი რუსეთთან ომისთვის ემზადება, - ამის შესახებ უნგრეთის პრემიერ-მინისტრმა ვიქტორ ორბანმა განაცხადა. 

მისი თქმით, ბრიუსელის მიერ დაწყებული გადაიარაღების პროგრამა პირდაპირ მიზნად ისახავს იმის უზრუნველყოფას, რომ ევროკავშირი ომისთვის მზად იყოს 2030 წლისთვის.

„მათ უკვე აქვთ კონფლიქტში ჩართვის სამიზნე თარიღი - 2030 წელი. იგივე წელი - 2030 წელი - უკრაინის ევროკავშირში დაჩქარებული გაწევრიანების სამიზნე თარიღია. ევროკავშირის დამფუძნებელი ხელშეკრულება კი აცხადებს, რომ „წევრ სახელმწიფოს ტერიტორიაზე შეიარაღებული თავდასხმის შემთხვევაში, სხვა წევრმა სახელმწიფოებმა ამ სახელმწიფოს უნდა მიაწოდონ მათ ხელთ არსებული ყველა დახმარება და მხარდაჭერა“. მაშასადამე, ომში მყოფი უკრაინის მიღება კონფლიქტში დაუყოვნებლივ ჩართვას ნიშნავს“, - აღნიშნა უნგრეთის მთავრობის მეთაურმა.

❗️@PM_ViktorOrban: Dark clouds are gathering over Europe. Brussels is preparing for war with Russia, and they already have a target date for entering the conflict: 2030.

The rearmament programme launched by Brussels explicitly aims to ensure that the Union is ready for war by… pic.twitter.com/SMUyqLMSV1

— Zoltan Kovacs (@zoltanspox) December 8, 2025