უნგრეთის პრემიერ-მინისტრის ვიქტორ ორბანის განცხადებით, რუსული ნავთობის შეძენაზე აშშ-ის მიერ დაწესებულ სანქციებთან დაკავშირებით დონალდ ტრამპთან მეგობრულ საუბარს ელოდება. ამის შესახებ უნგრეთის პრემიერ-მინისტრის ოფისის პრესსპიკერმა ზოლტან კოვაჩმა სოციალურ ქსელ X-ზე დაწერა.

„ფსონები მაღალია“, – აღნიშნა უნგრეთის პრემიერ-მინისტრმა შეერთებული შტატებისკენ მიმავალ გზაზე და განაცხადა, რომ უნგრეთმა უნდა დაარწმუნოს აშშ, აღიაროს მარტივი გეოგრაფიული ფაქტი: „უნგრეთს საზღვაო პორტი არ აქვს და მას განსხვავებულად უნდა მოეპყრონ“.

ვიქტორ ორბანის განცხადებით, ვაშინგტონში მოლაპარაკებები ორ მიმართულებაზე იქნება ორიენტირებული. ეს იქნება როგორც გამოწვევების, მაგალითად, სანქციების – გადაჭრაზე, ასევე ეკონომიკური თანამშრომლობის გაფართოების შესაძლებლობების გამოყენებაზე.

ამასთან, ორბანმა დაადასტურა, რომ ბუდაპეშტი აშშ-რუსეთის სამშვიდობო სამიტს უმასპინძლებს. მისი თქმით, უნგრეთის მოქნილი დიპლომატია მას საშუალებას აძლევს, ორივე მხარესთან დიალოგი შეინარჩუნოს.

🇺🇸🤝🇭🇺 @PM_ViktorOrban: “We play to win.” Speaking en route to Washington, the prime minister said he expects a friendly and straightforward meeting with U.S. President @realDonaldTrump regarding Hungary’s exemption from U.S. sanctions on Russian oil.

💬 “The stakes are high,”… pic.twitter.com/jr5h6OCKyF

— Zoltan Kovacs (@zoltanspox) November 6, 2025