ნორვეგიის საგარეო საქმეთა მინისტრის თქმით, მსოფლიოს სხვადასხვა ქვეყნის დიპლომატები ჰორმუზის სრუტის ხელახლა გახსნისთვის სამხედრო ძალის გამოყენებას ეწინააღმდეგებიან და ამის ნაცვლად დიპლომატიურ ზომებს ირჩევენ.

„ჩვენ რეალისტურად უნდა შევხედოთ იმას, თუ რას შეიძლება მივაღწიოთ სამხედრო თვალსაზრისით, სანამ ომი გრძელდება“, - განაცხადა ესპენ ბარტ ეიდემ 40-ზე მეტ დიპლომატთან ერთად ვირტუალურ ბრიფინგზე დასწრების შემდეგ, სადაც ჰორმუზის სრუტის დახურვის ეკონომიკური შედეგები განიხილებოდა.

„ეს კოალიცია... დიპლომატიურად იმოქმედებს ირანზე ზეწოლის განსახორციელებლად“, - განუცხადა მან CNN-ს.

ნორვეგიის საგარეო საქმეთა მინისტრი ასევე გამოეხმაურა აშშ-ის პრეზიდენტის დონალდ ტრამპის კრიტიკას მისი მოკავშირეების მისამართით, რომლებმაც ირანის წინააღმდეგ ომში აშშ-ის მხარდაჭერაზე უარი თქვეს. 

„როდესაც [ნატოს] წევრი სახელმწიფო საკუთარი არჩევანით სხვაგან იწყებს ომს, ეს ნატოს მონაწილეობას არ ავალდებულებს“, - აღნიშნა მან. 

„როდესაც აშშ-ზე 11 სექტემბრის თავდასხმა განხორციელდა, ჩვენ ყველანი ერთად დავდექით აშშ-ის, ჩვენი ერთ-ერთი წევრის, მხარდასაჭერად და ეჭვი არ გვეპარებოდა, რომ ერთად დავდგებოდით“, - დასძინა მან.