ნიუ-იორკში დუდა ტრამპს შეხვდა
პოლონეთის პრეზიდენტი ანჯეი დუდა ნიუ-იორკში აშშ-ის ყოფილ პრეზიდენტს და ამ წლის არჩევნებში რესპუბლიკური პარტიის საპრეზიდენტო კანდიდატ, დონალდ ტრამპს შეხვდა.
პოლიტიკოსების შეხვედრა მანჰეტენზე, Trump Tower-ში გაიმართა და ორ საათზე მეტხანს გაგრძელდა.
შეხვედრის დაწყებამდე ტრამპმა თქვა, რომ მას „პირადი ურთიერთობა აქვს“ დუდასთან და ახსოვს, რომ ერთად მუშაობდნენ.
„ის {დუდა} ჩემი მეგობარია. ჩვენ ერთად გავატარეთ 4 წელი. ჩვენ კვლავ ვუჭერთ მხარს პოლონეთს", - აცხადებს ტრამპი.
საუბრის შემდეგ დუდამ განაცხადა, რომ ეს იყო „მეგობრული შეხვედრა ძალიან კარგ ატმოსფეროში“.
დუდა გაეროს ღონისძიებებზე დასასწრებად იმყოფებოდა აშშ-ში, რის შემდეგაც ის კანადაში გაემგზავრა.
Właśnie zakończyło się spotkanie Prezydenta @AndrzejDuda i Prezydenta Donalda Trumpa. Przyjacielska atmosfera. Doskonała rozmowa. 🇵🇱🤝🇺🇸 pic.twitter.com/un5o5QCy0d
— Marcin Mastalerek (@MMastalerek) April 18, 2024