ნიდერლანდების საგარეო საქმეთა მინისტრმა კასპარ ველდკამპმა განაცხადა, რომ მისი ქვეყანა შეუერთდება საერთაშორისო კოალიციას, რომელიც ღაზას ჰუმანიტარულ დახმარებას საჰაერო გზით აწვდის. ამის შესახებ მინისტრმა სოციალურ ქსელ X-ზე დაწერა.

მინისტრმა განმარტა, რომ ღაზაში სიტუაცია კატასტროფულია, მოსახლეობას კი გაცილებით მეტი დახმარება სჭირდება და რაც მთავარია, სახმელეთო გზით.

„ვინაიდან ეს მარშრუტები შეზღუდულია, თავდაცვის სამინისტრომ და მე გადავწყვიტეთ, რომ ნიდერლანდები შეუერთდება საერთაშორისო კოალიციას, რათა აუცილებელი მარაგების საჰაერო გზით ჩაშვება უზრუნველყოს“, - განაცხადა მინისტრმა.

ქვეყნების ამ ფართო კოალიციამ უკვე დაიწყო დახმარების საჰაერო გადაზიდვა. 8 აგვისტოდან ნიდერლანდების თავდაცვის სამინისტრო ორი კვირის განმავლობაში დახმარებას C-130 სატრანსპორტო თვითმფრინავის გამოყენებით უზრუნველყოფს.

ამ ძალისხმევას კოორდინაციას უწევს იორდანია, უპირატესად ევროპელ პარტნიორებთან თანამშრომლობით.

საფრანგეთმა და გერმანიამ უკვე დაიწყეს ღაზას სექტორში პალესტინელებისთვის დახმარების საჰაერო გზით ჩაშვება.

The conditions in Gaza are catastrophic. Much more aid needs to reach the people now, most importantly via land. Because these routes are limited, @DefensieMin and I have decided that the Netherlands will join an international coalition to airdrop essential supplies. 1/4 pic.twitter.com/rWQMm9P1v4

— Caspar Veldkamp (@ministerBZ) August 1, 2025