1743660764
უცხოეთი
ნეთანიაჰუ ოფიციალური ვიზიტით უნგრეთში ჩავიდა
ისრაელის პრემიერ-მინისტრი ბენიამინ ნეთანიაჰუ ოფიციალური ვიზიტით უნგრეთში ჩავიდა. ამის შესახებ Deutche Welle იუწყება.
უნგრეთი სისხლის სამართლის საერთაშორისო სასამართლოს იურისდიქციას აღიარებს, რომელმაც ნეთანიაჰუს დაკავების ორდერი გასცა, მაგრამ უნგრეთის ხელისუფლებამ პირობა დადო, რომ ამას არ გააკეთებს.
ნეთანიაჰუს ბუდაპეშტის საერთაშორისო აეროპორტში უნგრეთის თავდაცვის მინისტრმა კრიშტოფ სალაი- ბობროვნიცკი შეხვდა.
გასული წლის 21 ნოემბერს სისხლის სამართლის საერთაშორისო სასამართლომ ისრაელის პრემიერ-მინისტრის, ბენიამინ ნეთანიაჰუს და თავდაცვის მინისტრის, იოავ გალანტის დაკავების ორდერი გასცა. მაშინ უნგრეთის პრემიერ-მინისტრმა ვიქტორ ორბანმა ეს გადაწყვეტილება დაგმო და პირობა დადო, რომ ნეთანიაჰუს ბუდაპეშტში დაპატიჟებს.
