1750105999
უცხოეთი
ნეთანიაჰუ - ირანში ბირთვული სამიზნეების განადგურებას ვაგრძელებთ
ისრაელის პრემიერ-მინისტრი ბენიამინ ნეთანიაჰუს განცხადებით, ისრაელი ირანში ბირთვული სამიზნეების განადგურებას აგრძელებს.
„ჯერჯერობით 10 წამყვანი ბირთვული მეცნიერის ლიკვიდაცია განვახორციელეთ“, - განაცხადა ბენიამინ ნეთანიაჰუმ.
მისივე თქმით, ისრაელი რაკეტების გამშვებ სისტემებს „ერთი მეორის მიყოლებით“ ანადგურებს.
„ჩვენ გავანადგურეთ ირანის უსაფრთხოების ხელმძღვანელობა, მათ შორის ლიდერები“, - აცხადებს ნეთანიაჰუ.
ცნობისთვის, ისრაელი აგრძელებს ოპერაციას, რომელიც 13 ივნისს, გამთენიისას ირანის ბირთვულ და სამხედრო ობიექტებზე შეტევით დაიწყო.
