ნავროცკი „სამშვიდობო გეგმაზე“: მშვიდობის ფასი არ შეიძლება იყოს აგრესორის მიზნების მიღწევა
პოლონეთის პრეზიდენტმა კაროლ ნავროცკიმ აღნიშნა, რომ უკრაინაში რუსეთის ომის დასრულების ნებისმიერი სამშვიდობო გეგმა კიევისთვის მისაღები უნდა იყოს. ამის შესახებ ნავროცკიმ სოციალურ ქსელ X-ზე დაწერა.
„სწორედ უკრაინა გახდა პუტინის დანაშაულებრივი აგრესიის მსხვერპლი და სწორედ უკრაინელებს, აშშ-ისა და ევროკავშირის ქვეყნების მხარდაჭერით, უნდა ჰქონდეთ გადამწყვეტი ხმა სამშვიდობო მოლაპარაკებებში“, - დაწერა მან.
პოლონეთის პრეზიდენტმა ხაზგასმით აღნიშნა, რომ ომის დასრულების შესახებ წამოჭრილი წინადადებები უნდა ითვალისწინებდეს იმ ფაქტს, რომ რუსეთი არის სახელმწიფო, რომელიც შეთანხმებებს არ იცავს.
„ევროპაში მშვიდობისა და უსაფრთხოების შესახებ ნებისმიერი შეთანხმების მიღწევა მხოლოდ ყველა დაინტერესებული მხარის მონაწილეობით არის შესაძლებელი. მშვიდობის ფასი არასდროს უნდა იყოს აგრესორის მიერ სტრატეგიული მიზნების მიღწევა და რუსეთის ფედერაცია იყო და რჩება აგრესორად“, - განაცხადა ნავროცკიმ.
Pojawiające się propozycje zakończenia rosyjskiej wojny przeciw Ukrainie muszą uwzględniać fakt, że Rosja jest państwem niedotrzymującym umów.
— Karol Nawrocki (@NawrockiKn) November 21, 2025
Każdy plan pokojowy zmierzający do zakończenia wywołanej przez Federację Rosyjską wojny na Ukrainie musi zostać zaakceptowany w Kijowie.…
