1763911439
უცხოეთი
მერცს ეჭვი ეპარება, რომ„სამშვიდობო შეთანხმების“ მიღწევა ტრამპის მიერ დადგენილ ვადაში იქნება შესაძლებელი
გერმანიის კანცლერმა ფრიდრიხ მერცმა განაცხადა, რომ სკეპტიკურად უყურებს აშშ-ის „სამშვიდობო გეგმაზე“ შეთანხმების მიღწევის შესაძლებლობას, რომელიც უკრაინის წინააღმდეგ რუსეთის ომის დასრულებას ისახავს მიზნად.
სამხრეთ აფრიკაში G20-ის სამიტის შემდეგ ჟურნალისტებთან საუბრისას მერცმა განაცხადა, რომ მას არ სჯერა, რომ აშშ-ის „სამშვიდობო გეგმაზე“ შეთანხმებას მალე მიაღწევენ.
„დღეს კვირაა. პრეზიდენტ ტრამპის გეგმა არის ხუთშაბათამდე შეთანხმების მიღწევა. ჩვენ ჯერ კიდევ ძალიან შორს ვართ ამისგან. ეს არ ნიშნავს, რომ სრულიად შეუძლებელია მიღწევა, მაგრამ სკეპტიკურად ვარ განწყობილი, შესაძლებელია თუ არა ასეთი შედეგი მოცემული განსხვავებების გათვალისწინებით“, - აღნიშნა მერცმა.
