1757073089
უცხოეთი
მერცმა უკმაყოფილება გამოთქვა იმის გამო, რომ ევროპას არ აქვს საკმარისი გავლენა, რათა რუსეთი აიძულოს უკრაინაში ომი დაასრულოს - Bloomberg
გერმანიის კანცლერმა ფრიდრიხ მერცმა უკმაყოფილება გამოთქვა, იმის გამო, რომ ევროპას არ აქვს საკმარისი გავლენა, რათა რუსეთი აიძულოს უკრაინაში ომი დაასრულოს. კანცლერის განცხადებას Bloomberg-ი ციტირებს.
მერცმა განაცხადა, რომ ევროპა ახლა „ვერ ახერხებს საკმარისი ზეწოლის განხორციელებას“ კრემლის ლიდერ ვლადიმერ პუტინზე.
„ჩვენ შეერთებული შტატების დახმარებაზე ვართ დამოკიდებული“, - აცხადებს მერცი.
ამავდროულად, გერმანიის კანცლერის თქმით, რუსეთთან ახალ პარტნიორულ კავშირებს აყალიბებენ ისეთი ქვეყნები, როგორიცაა ჩინეთი, ინდოეთი და ბრაზილია.
