გერმანიის კანცლერმა ფრიდრიხ მერცმა განაცხადა, რომ ევროკავშირი ყოველთვის მზადაა, უკრაინაში ომის დასრულების მიზნით რუსეთთან მოლაპარაკებები აწარმოოს, თუმცა „კომუნიკაციის პარალელურ არხებს არ გახსნის“. ამის შესახებ Reuters-ი წერს. 

აბუ-დაბიში გამართულ პრესკონფერენციაზე, სადაც მერცი ახლო აღმოსავლეთის ტურნეს ფარგლებში ჩავიდა, კანცლერმა მოსკოვთან დიალოგისთვის მზადყოფნაზე ისაუბრა.

თუმცა, გერმანიის მთავრობის მეთაურის თქმით, ასეთი კონტაქტები არ უნდა ეწინააღმდეგებოდეს აბუ-დაბიში ბოლო დროს გააქტიურებული ძირითადი მოლაპარაკებების პროცესს.

„ჩვენ, რა თქმა უნდა, ყოველთვის მზად ვართ რუსეთთან მოლაპარაკებებისთვის. ამჟამად აქ, აბუ-დაბიში, კოორდინირებული მოლაპარაკებები მიმდინარეობს. თუ ჩვენ შეგვიძლია, წვლილი შევიტანოთ ამ მოლაპარაკებების კიდევ უფრო გაუმჯობესებაში, კიდევ უფრო წარმატებაში, მაშინ ამას გავაკეთებთ. თუმცა ჩვენ არ გავხსნით კომუნიკაციის არანაირ პარალელურ არხებს“, - აღნიშნა მერცმა.