გერმანიის კანცლერმა ფრიდრიხ მერცმა აღნიშნა, რომ რუსეთ-უკრაინის ომის დასრულების ნებისმიერი გეგმის წარმატებისთვის საჭიროა კრემლის რეალური მზადყოფნა მოლაპარაკებებისთვის. ამის შესახებ მან სოციალურ ქსელ X-ზე დაწერა. 

მერცის თქმით, რუსეთ-უკრაინის ომის „ერთ ღამეში“ დასრულება შეუძლებელია.

„ერთობლივი სამშვიდობო გეგმა მიზნად ისახავს პროცესის დაწყებას. ამისათვის კი რუსეთი ახლა მოლაპარაკებების მაგიდასთან უნდა დაჯდეს. სანამ ამისთვის თვალსაჩინო მზადყოფნა არ იქნება, არც პროცესი იქნება და არც მშვიდობა“, - განაცხადა გერმანიის კანცლერმა.

მისივე თქმით, ამ გადამწყვეტ მომენტში ევროპა ერთიანი ძალისხმევით მოქმედებს.

„ჩვენ ვალდებულნი ვართ, რაც შეიძლება მალე მივაღწიოთ ცეცხლის შეწყვეტას და სამართლიან მშვიდობას უკრაინაში. ჩვენ ვალდებულნი ვართ, დავიცვათ ევროპის უსაფრთხოება“, - დაწერა მერცმა.

Peace in Ukraine will not be achieved overnight. The joint peace plan is meant to launch a process. For that to happen, Russia must come to the negotiating table now. As long as there is no visible willingness to do so, there will be no process and no peace.

— Bundeskanzler Friedrich Merz (@bundeskanzler) November 24, 2025