მერცი 3 მარტს ვაშინგტონს ეწვევა და ტრამპთან „ახლო აღმოსავლეთში განვითარებულ მოვლენებს“ განიხილავს
გერმანიის კანცლერი ფრიდრიხ მერცი ხვალ, 3 მარტს, ვაშინგტონს ეწვევა და აშშ-ის პრეზიდენტ დონალდ ტრამპთან ერთად „ახლო აღმოსავლეთში განვითარებულ მოვლენებს“ განიხილავს. ამის შესახებ მერცმა სოციალურ ქსელ X-ში დაწერა.
„სამშაბათს ვაშინგტონში პრეზიდენტ ტრამპთან ახლო აღმოსავლეთში ბოლო დროს განვითარებულ მოვლენებზე ვისაუბრებ. მჭიდრო კონტაქტზე ვარ პარტნიორებთან ევროპაში, ისრაელსა და უფრო ფართო რეგიონში. ახლა არ არის ჩვენი მოკავშირეებისთვის ლექციების წაკითხვის დრო, არამედ ერთიანობის დროა“, - დაწერა მერცმა.
I will speak with President Trump on the latest developments in the Middle East in Washington on Tuesday. I am in close contact with partners across Europe, Israel and the wider region. This is not the moment to lecture our allies, but to stand together in unity.
— Bundeskanzler Friedrich Merz (@bundeskanzler) March 1, 2026
