ადგილობრივი ხელისუფლების წარმომადგენლების განცხადებით, მეხანძრეებმა საფრანგეთის სამხრეთ-აღმოსავლეთით სწრაფად მზარდი ხანძრის შეჩერება მოახერხეს, თუმცა ქვეყანაში ბოლო 70 წელზე მეტი ხნის განმავლობაში ყველაზე მასშტაბური ხანძარი ჯერ კიდევ ვერ ჩააქრეს.

31 ივლისს ძლიერი ქარის გამო სამხრეთ-აღმოსავლეთ ვარის რეგიონში ხანძარი გავრცელდა, რის შედეგადაც რამდენიმე საათში 1 000 ჰექტარი ფართობი დაიწვა.

რეგიონალური სახანძრო სამსახურის წარმომადგენელი ერიკ პიტო აცხადებს, რომ ხანძარი ჯერ კიდევ კონტროლს არ ექვემდებარება.

„ჩვენ ვმუშაობთ, რომ უახლოეს დღეებში ხანძარი კონტროლს დაექვემდებაროს“, - აღნიშნა მან. 

გასულ კვირას გაჩენილმა ხანძარმა 42 000 ჰექტარი ფიჭვნარი გაანადგურა. ასევე, ხანძარმა ღვინის მწარმოებელ დედაქალაქ ბორდოს მახლობლად, ატლანტის ოკეანის სანაპირო ზოლზე დაახლოებით 240 სახლი გაანადგურა. ხანძრის შედეგად დაახლოებით 220 000 ადამიანი ევაკუირებული იქნა.

საფრანგეთი კვირების განმავლობაში ებრძოდა ხანძრებს, რომლებიც მას შემდეგ გაჩნდა, რაც მომაკვდინებელი სიცხის ტალღების სერიამ მდინარის კალაპოტები დააშრო და მცენარეულობა გაახმო.