მედიის ცნობით, სტივ უიტკოფი და ჯარედ კუშნერი კიევს აგვისტოს მეორე ნახევარში ეწვევიან
აშშ-ის პრეზიდენტის დონალდ ტრამპის სპეციალური წარმომადგენლები სტივ უიტკოფი და ჯარედ კუშნერი კიევს, სავარაუდოდ, უკრაინის დამოუკიდებლობის დღის აღნიშვნის დროს ეწვევიან. ამის შესახებ „რადიო თავისუფლების“ კორესპონდენტმა ალექს რაუფოგლუმ სოციალურ ქსელ X-ზე დაწერა.
მისი თქმით, გეგმების შესახებ ინფორმირებული ორი წყაროს ცნობით, სტივ უიტკოფი და ჯარედ კუშნერი კიევში აგვისტოს მეორე ნახევარში ჩავლენ. დედაქალაქში ისინი უკრაინის დამოუკიდებლობის 35-ე წლისთავისადმი მიძღვნილ ღონისძიებებში მიიღებენ მონაწილეობას.
ცნობისთვის, უკრაინა დამოუკიდებლობის დღეს ყოველი წლის 24 აგვისტოს აღნიშნავს.
SCOOP: Steve Witkoff and Jared Kushner are expected in Kyiv in the second half of August for events marking the 35th anniversary of Ukraine's independence, two sources familiar with the plans tell me.
— Alex Raufoglu (@ralexdc) July 30, 2026
