აშშ-ის სახელმწიფო მდივნის მარკო რუბიოს განცხადებით, უკრაინაში მდგრადი მშვიდობის მიღწევა რუსული და უკრაინული მხარისგან რთულ, მაგრამ აუცილებელ დათმობებზე დათანხმებას მოიტხოვს. 

როგორც რუბიო პლატფორმა X-ზე წერს, რთული და სიკვდილის გამომწვევი ომის დასრულება, როგორიც უკრაინაში მიმდინარე ომია, სერიოზული და რეალისტური იდეების ფართო გაცვლას მოითხოვს.

„მდგრადი მშვიდობის მიღწევა კი მოითხოვს ორივე მხარისგან რთულ, მაგრამ აუცილებელ დათმობებზე დათანხმებას. ამიტომ, ვამუშავებთ და გავაგრძელებთ ამ ომის დასრულების პოტენციური იდეების სიას, ამ კონფლიქტის ორივე მხარის წინადადებების საფუძველზე“, - განაცხადა რუბიომ. 

Ending a complex and deadly war such as the one in Ukraine requires an extensive exchange of serious and realistic ideas. And achieving a durable peace will require both sides to agree to difficult but necessary concessions. That is why we are and will continue to develop a list…

— Marco Rubio (@marcorubio) November 20, 2025

ინფორმაციისთვის, Reuters-ი ორ ანონიმურ წყაროზე დაყრდნობით გაავრცელა ინფორმაცია, რომლის თანახმადაც აშშ-ის ახალი „სამშვიდობო შეთანხმება“ უკრაინის მხრიდან ტერიტორიულ დათმობებსა და შეიარაღების შემცირებას ითვალისწინებს.