ნატოს გენერალურმა მდივანმა მარკ რუტემ განაცხადა, რომ აშშ-ის პრეზიდენტი დონალდ ტრამპი „გულწრფელად იმედგაცრუებულია“ იმით, რომ აშშ-ის ზოგიერთმა მოკავშირემ უარი თქვა ირანის წინააღმდეგ სამხედრო მოქმედებებში მონაწილეობაზე. ამის შესახებ რუტემ CNN-თან ინტერვიუში განაცხადა. 

„ის აშკარად იმედგაცრუებულია ნატოს მრავალი მოკავშირით და მე მესმის მისი თვალსაზრისი. თუმცა, ამავდროულად მინდა აღვნიშნო, რომ ევროპული ქვეყნების აბსოლუტურმა უმრავლესობამ დახმარება გაუწია ჯარების განლაგებაში, ლოგისტიკაში, საჰაერო ფრენებსა და მათი ვალდებულებების შესრულების უზრუნველყოფაში“, - განაცხადა ალიანსის გენერალურმა მდივანმა.

რუტემ ტრამპთან საუბარს „გულწრფელი და ძალიან ღია“ უწოდა, თუმცა უარი თქვა თქვა დაეკონკრეტებინა განიხილეს თუ არა მათ ალიანსიდან აშშ-ის გასვლის შესაძლებლობა.

„რა თქმა უნდა, იმედგაცრუებაა, მაგრამ ამავდროულად, მან ყურადღებით მოისმინა ჩემი არგუმენტები მიმდინარე მოვლენებთან დაკავშირებით“, - აცხადებს რუტე.