მაკრონი: ვგმობ სახელმწიფო ძალადობას, რომელიც თავს ესხმის ირანელ ქალებსა და მამაკაცებს, ჩვენ ფუნდამენტური თავისუფლების დამცველთა გვერდით ვდგავართ
საფრანგეთის პრეზიდენტი ემანუელ მაკრონი გმობს ირანელი მომიტინგეების წინააღმდეგ მიმართულ „სახელმწიფო ძალადობას“, მას შემდეგ, რაც უფლებადამცველი ჯგუფები აცხადებენ, რომ ხელისუფლების მიერ დემონსტრაციების ტალღის დარბევის შედეგად ასობით ადამიანი დაიღუპა.
მისი თქმით, ფუნდამენტური თავისუფლების პატივისცემა უნივერსალური მოთხოვნაა.
„ვგმობ სახელმწიფო ძალადობას, რომელიც განურჩევლად ესხმის თავს ირანელ ქალებსა და მამაკაცებს, რომლებიც გაბედულად მოითხოვენ თავიანთი უფლებების პატივისცემას. ფუნდამენტური თავისუფლების პატივისცემა უნივერსალური მოთხოვნაა და ჩვენ მათ დამცველთა გვერდით ვდგავართ“, - წერს მაკრონი.
I condemn the state violence that indiscriminately targets Iranian women and men who courageously demand respect for their rights.
— Emmanuel Macron (@EmmanuelMacron) January 12, 2026
Respect for fundamental freedoms is a universal requirement, and we stand alongside those who defend them.
