საფრანგეთის პრეზიდენტი ემანუელ მაკრონი და გერმანიის კანცლერი ფრიდრიხ მერცი რუსეთის წინააღმდეგ მეორადი სანქციების იდეას უჭერენ მხარს, - ამის შესახებ ინფორმაციას RBC-Ukraine Bloomberg-ზე დაყრდნობით ავრცელებს.

მაკრონი და მერცი მოითხოვენ სანქციებს მესამე ქვეყნების იმ კომპანიების წინააღმდეგ, რომლებიც რუსეთს უკრაინაში ომის დაფინანსებაში ეხმარებიან.

„ჩვენ გავაგრძელებთ ზეწოლას დამატებითი სანქციების დაწესების მიზნით - და ჩვენ მზად ვართ ამისთვის, რათა რუსეთი აიძულოს მოლაპარაკებების მაგიდასთან დაბრუნდეს“, - განაცხადა მაკრონმა მერცთან ერთობლივ პრესკონფერენციაზე.

მოკავშირეები მიიჩნევენ, რომ ევროკავშირის მხრიდან მეორადი სანქციების მუქარა აიძულებს ტრამპს, შეასრულოს თავისი მუქარა რუსეთზე ზეწოლის გაზრდის შესახებ. ტრამპის მიერ კრემლისთვის დაკისრებული „ბოლო ვადა“ თითქმის ამოიწურა, რუსეთმა კიევზე მძლავრი რაკეტებითა და დრონებით დარტყმით უპასუხა მშვიდობიანი მოლაპარაკებების ნაცვლად.

„ამჟამად ამერიკაში დამატებითი ტარიფების დაწესებაზე მსჯელობენ. მივესალმები, თუ ამერიკის მთავრობა გადაწყვეტს მათ გამოყენებას“, - დასძინა მერცმა.