მაკრონი აცხადებს, რომ საფრანგეთი პალესტინის ტერიტორიაზე საელჩოს იქამდე არ გახსნის, ვიდრე ყველა მძევალი არ გათავისუფლდება
საფრანგეთის მიერ პალესტინის სახელმწიფოს აღიარების გეგმა არ მოიცავს საელჩოს გახსნას იქამდე, ვიდრე „ჰამასი“ არ გაათავისუფლებს მძევლებს, რომლებიც ღაზაში ჰყავს დატყვევებული, განაცხადა პრეზიდენტმა ემანუელ მაკრონმა CBS News-თან ინტერვიუში.
„ეს ჩვენთვის ძალიან მკაფიო მოთხოვნა იქნება, მაგალითად, პალესტინაში საელჩოს გახსნამდე“, - განაცხადა მაკრონმა.
ინტერვიუ ეთერში გავიდა მას შემდეგ, რაც დიდმა ბრიტანეთმა, ავსტრალიამ და კანადამ პალესტინის სახელმწიფო აღიარეს.
მაკრონი ასევე კატეგორიულად ეწინააღმდეგება ტერიტორიის აღდგენის დროს პალესტინელების ღაზადან განდევნის ნებისმიერ გეგმას.
„მაგრამ თუ ასეთი გეგმის წინაპირობა მათი განდევნაა, ეს უბრალოდ სიგიჟეა. ჩვენ არ უნდა ვიყოთ — შეერთებული შტატების, საფრანგეთის სანდოობისთვის — და არ შეგვიძლია ვიყოთ ირიბად, ან აშკარად თვითკმაყოფილები ასეთი პროექტით“, - განაცხადა მაკრონმა გადაცემაში „Face the Nation“.
