ლვოვში უკრაინის უმაღლესი რადას ყოფილი თავმჯდომარე ანდრეი პარუბი მოკლეს
30 აგვისტოს ლვოვში მოქმედი დეპუტატი და უკრაინის უმაღლესი რადას ყოფილი თავმჯდომარე, ანდრეი პარუბი მოკლეს. აღნიშნულის შესახებ ინფორმაციას უკრაინული მედია ავრცელებს.
უკრაინული მედიის ცნობით, ანდრეი პარუბის 5-ჯერ ესროლეს. პარუბი მიყენებული ჭრილობების შედეგად ადგილზე გარდაიცვალა.
პარუბის მკვლელობას უკრაინის პრეზიდენტი ვოლოდიმირ ზელენსკიც გამოეხმაურა.
„შინაგან საქმეთა მინისტრმა იგორ კლიმენკომ და გენერალურმა პროკურორმა რუსლან კრავჩენკომ ახლახან მომაწოდეს ინფორმაციას ლვოვში მომხდარი საშინელი მკვლელობის შესახებ. ანდრეი პარუბი გარდაიცვალა. ვუსამძიმრებ მის ოჯახს და მეგობრებს. მკვლელობის გამოსაძიებლად და მკვლელის მოსაძებნად ყველა საჭირო ძალა და რესურსი მობილიზებულია“, - აცხადებს პრეზიდენტი ზელენსკი.
პარუბი უკრაინის უმაღლესი რადას თავმჯდომარე 2016 წლის 14 აპრილიდან 2019 წლის 28 აგვისტომდე იყო.
