1755770574
უცხოეთი
ლუკაშენკო ჩინეთში ვიზიტსა და სი ძინპინთან შეხვედრას გეგმავს
ბელორუსის პრეზიდენტი ალექსანდრე ლუკაშენკო ჩინეთში ვიზიტს და ჩინეთის ლიდერ სი ძინპინთან შეხვედრას გეგმავს. როგორც BelTA იუწყება, მან ამის შესახებ მინსკში რაკეტების წარმოების შესახებ შეხვედრაზე განაცხადა.
„ჩვენ ვგეგმავთ შეხვედრას. დღეს ჩვენ უნდა გადავწყვიტოთ, სად და როგორ გავაგრძელებთ წინსვლას ამ მიმართულებით, თანამედროვე პირობებში სამხედრო ოპერაციების წარმოების ფორმებისა და მეთოდების გათვალისწინებით. სამხედრო საფრთხეების დონის დინამიკა და ჩვენი დასავლელი მეზობლების მიერ სამხედრო ხარჯების მნიშვნელოვანი ზრდა გვაიძულებს, მუდმივად ყველაზე დიდი ყურადღება მივაქციოთ ბელორუსის, რუსეთისა და ჩვენი კავშირის თავდაცვისუნარიანობის საკითხს“, - აცხადებს ლუკაშენკო.
