1714471842
უცხოეთი
ლონდონში 36 წლის კაცმა 5 ადამიანი ხმლით დაჭრა
ლონდონის ჩრდილო-აღმოსავლეთ ნაწილში, ხმლით შეიარაღებული კაცი თავს დაესხა რამდენიმე ადამიანს, მათ შორის ორ პოლიციელს, - წერს BBC.
მედია იტყობინება, რომ მომხდარი ინციდენტის შედეგად ხუთი ადამიანი საავადმყოფოში გადაიყვანეს. მათი ჯანმრთელობის მდგომარეობის შესახებ ინფორმაცია უცნობია.
პოლიციამ განაცხადა, რომ ინციდენტი არ არის დაკავშირებული ტერორიზმთან და ისინი არ ეძებენ სხვა ეჭვმიტანილებს.
ამავე ინფორმაციით, ხმლით შეიარაღებული 36 წლის კაცი პოლიციამ ჩრდილო-აღმოსავლეთ ლონდონში დააკავა.
