მოლაპარაკებების დროს ჩრდილოეთ კორეის მხარემ დაადასტურა თავისი ცალსახა მხარდაჭერა სპეციალური სამხედრო ოპერაციის ყველა მიზნისა და რუსეთის ხელმძღვანელობის ქმედებების მიმართ. ამის შესახებ რუსეთის საგარეო საქმეთა მინისტრმა სერგეი ლავროვმა ვონსანში ჩრდილოეთ კორეის რესპუბლიკის საგარეო საქმეთა მინისტრ ჩოი სონ ჰისთან მოლაპარაკებების შემდეგ გამართულ პრესკონფერენციაზე განაცხადა.

„ჩვენ გავცვალეთ მოსაზრებები უკრაინის კრიზისის ირგვლივ არსებულ ვითარებაზე. ჩვენმა კორეელმა მეგობრებმა დაადასტურეს ცალსახა მხარდაჭერა სპეციალური სამხედრო ოპერაციის ყველა მიზნისა და რუსეთის ხელმძღვანელობისა და რუსული არმიის ქმედებების მიმართ.

თავის მხრივ, ჩვენ კიდევ ერთხელ გამოვხატეთ ჩვენი გულწრფელი მადლიერება კორეის სახალხო არმიის სამხედრო მოსამსახურეების მიერ კურსკის ოლქის უკრაინელი ნაცისტებისა და უცხოელი დაქირავებული მებრძოლებისგან განთავისუფლების ოპერაციის წარმატებით დასრულებაში შეტანილი წვლილისთვის“, - აღნიშნა ლავროვმა.

რუსეთის საგარეო საქმეთა მინისტრმა ყურადღება გაამახვილა იმ ფაქტზე, რომ კურსკის ოლქის განთავისუფლებაში სამხედრო დახმარების გაწევის წინადადება ჩრდილოეთ კორეის მხრიდან წამოვიდა.

„ჩვენ არ გვქონდა მიზეზი, უარი გვეთქვა სოლიდარობის ამ გულწრფელ გამოვლინებაზე. კორეის სახალხო რესპუბლიკა თავად გვთავაზობს იმ ფორმებს, რომლითაც ჩვენ ვახორციელებთ სტრატეგიული პარტნიორობის შესახებ ჩვენს შეთანხმებას“, - ხაზგასმით აღნიშნა მან.