დანიის პრემიერ-მინისტრი მეტე ფრედერიკსენი გრენლანდიაში ჩავიდა. მისი თქმით, ვიზიტის დროს სურს, კუნძულის ხელყოფის შესახებ აშშ-ის პრეზიდენტის დონალდ ტრამპის განცხადებების ფონზე, შეერთებულ შტატებს მკაფიო გზავნილი გაუგზავნოს. 

„აშშ-მა არ უნდა დაიპყროს გრენლანდია. გრენლანდია ეკუთვნის გრენლანდიელებს და შეერთებულმა შტატებმა ის არ უნდა აიღოს. რა თქმა უნდა, ეს არის გზავნილი, რომელზეც ჩვენ ყველა ერთად ვისაუბრებთ მომდევნო რამდენიმე დღის განმავლობაში“, - განაცხადა დანიის პრემიერ-მინისტრმა.

მისივე თქმით, ვიზიტის დროს განიხილება საგარეო პოლიტიკისა და უსაფრთხოების სფეროში არსებული ვითარება და ის, თუ როგორ მივუდგეთ ამ „ძალიან რთულ ამოცანას“ ერთად.

გრენლანდიის ახლადარჩეული საგარეო საქმეთა მინისტრის ვივიანე მოცფელდტის მხრიდან კუნძულზე მისი ვიზიტის კრიტიკასთან დაკავშირებით ფრედერისკენმა განაცხადა: „მე ვნახე ეს დისკუსია და მინდა ყველას ვუთხრა გრენლანდიაში, რომ მხოლოდ ერთი სურვილი მაქვს - გავაკეთო ყველაფერი ჩემი ძალისხმევით ამ მშვენიერი ქვეყნისთვის და მხარი დავუჭირო გრენლანდიას ძალიან რთულ სიტუაციაში“.

მან დასძინა, რომ ამ „ნამდვილად რთულ დროს, რომელსაც გრენლანდია გადის“, საჭიროა ერთად დგომა.

„და როცა გრენლანდია რთულ ვითარებაშია, დანიის სამეფო და ევროპა ასევე რთულ მდგომარეობაში არიან“, - აღნიშნა დანიის პრემიერ-მინისტრმა.