რუსეთის პრეზიდენტის თანაშემწემ იური უშაკოვმა მედიაში გავრცელებულ ინფორმაციასთან დაკავშირებით კომენტარი გააკეთა, რომლის თანახმადაც რუსეთის პრეზიდენტს ვლადიმერ პუტინს არ სურდა აშშ-ის ცენტრალური სადაზვერვო სააგენტოს დირექტორ ჯონ რეტკლიფთან შეხვედრა. 

უშაკოვის თქმით, პუტინისა და რეტკლიფის შეხვედრა თავდაპირველად არც ყოფილა დაგეგმილი.

„არა. რამდენადაც მე ვიცი, ასეთი გეგმები არ ყოფილა. CIA-ს დირექტორი რუსეთის სადაზვერვო სამსახურის ხელმძღვანელს შეხვდა,“ - განაცხადა უშაკოვმა გამოცემა Life-ის ჟურნალისტთან საუბრისას.

უშაკოვმა აღნიშნა, რომ ნარიშკინი-რეტკლიფის საუბარი კონფიდენციალური იყო.

„ამიტომ, მე უბრალოდ არ მაქვს უფლება განვიხილო მათი არსი, მით უმეტეს, კომენტარი გავაკეთო მათზე“, - განაცხადა იური უშაკოვმა. 

ინფორმაციისთვის, ცენტრალური სადაზვერვო სააგენტოს დირექტორი მოსკოვს 25 აგვისტოს ეწვია. 

რუსეთის საგარეო დაზვერვის სამსახურის უფროსმა დაადასტურა, რომ მოსკოვში აშშ-ის ცენტრალური სადაზვერვო სააგენტოს დირექტორთან მოლაპარაკებები გამართა.