1768574669
უცხოეთი
კრემლის ცნობით, პუტინი ირანის პრეზიდენტს ტელეფონით ესაუბრა
კრემლის ცნობით, რუსეთის პრეზიდენტმა ვლადიმერ პუტინმა სატელეფონო საუბარი გამართა ირანის პრეზიდენტ მასუდ პეზეშკიანთან.
„პუტინი რეგიონში სიტუაციის დეესკალაციის მცდელობებს გააგრძელებს“, - განუცხადა ჟურნალისტებს პუტინის პრესმდივანმა დმიტრი პესკოვმა.
ირანის პრეზიდენტის ოფისში აცხადებენ, რომ პეზეშკიანმა პუტინს „რუსეთის პოზიციისთვის“ მადლობა გადაუხადა და დასძენენ, რომ „აშშ-ისა და სიონისტური რეჟიმის როლი და პირდაპირი ჩართულობა ირანში ბოლო დროს განვითარებულ მოვლენებში აშკარაა“.
კრემლის ინფორმაციით, მანამდე პუტინმა ირანისა და ახლო აღმოსავლეთის საკითხები ისრაელის პრემიერ-მინისტრ ბენიამინ ნეთანიაჰუსთან სატელეფონო საუბრისას განიხილა.
