„კრემლის ჯალათს მიზნები არ შეუცვლია“ - ლატვია გმობს რუსეთის მიერ უკრაინის დაბომბვას
ლატვიის საგარეო საქმეთა მინისტრმა ბაიბა ბრაჟემ, სოლიდარობა გამოუცხადა უკრაინას მასობრივი რუსული დაბომბვის შემდეგ, რომლის შედეგადაც სულ მცირე სამი ადამიანი დაიღუპა.
ბრაჟეს თქმით, „სანამ მსოფლიო შობისთვის ემზადება, რუსეთი უკრაინაში ბავშვების, ქალებისა და მშვიდობიანი მოსახლეობის დასაბომბად რაკეტებს ამზადებს“.
„რუსეთი ომს ნიშნავს და არა მშვიდობას. კრემლის ჯალათს თავისი მიზნები არ შეუცვლია. დეზინფორმაციული კამპანიები რუსეთის ქმედებებს ვერ მალავს. ჩვენ გავაგრძელებთ უკრაინის მხარდაჭერას“, - დასძინა ლატვიის საგარეო საქმეთა მინისტრმა.
As the world prepares for Christmas, Russia prepares missiles to bomb children, women, civilians in Ukraine.
— Baiba Braže (@Braze_Baiba) December 23, 2025
Russia means war, not peace. The butcher in kremlin has not changed its goals. Disinformation campaigns can’t hide Russia’s actions.
We’ll continue supporting Ukraine. https://t.co/5R8HLAQnLn
