1746874718
უცხოეთი
კოსმოსური სადგური „კოსმოსი-482“ ინდოეთის ოკეანეში ჩავარდა
საბჭოთა ავტომატური კოსმოსური სადგური „კოსმოსი-482“, რომელიც დედამიწის გარშემო 1972 წლიდან დაფრინავდა, დედამიწის ატმოსფეროში შევიდა და ინდოეთის ოკეანეში ჩავარდა. ამის შესახებ „ინტერფაქსი“ იუწყება.
„აპარატი დედამიწის ატმოსფეროში, მოსკოვის დროით, 9.24-ზე შევიდა და ჯაკარტას დასავლეთით, ინდოეთის ოკეანეში ჩავარდა“, - განაცხადეს „როსკოსმოსში“.
დედამიწაზე კოსმოსური აპარატის დაცემამდე მიმდინარეობდა მისი კონტროლი კოსმოსურ სივრცეში საშიში სიტუაციების გაფრთხილების ავტომატიზებული სისტემის მიერ.
„კოსმოსი-482“ კოსმოსში 1972 წლის მარტში გაფრინდა. ის ვენერაზე უნდა გაფრენილიყო, მაგრამ ავარიის გამო, აპარატი დედამიწის მაღალ ელიპტიკურ ორბიტაზე დარჩა. გარკვეული დროის შემდეგ, აპარატმა დაშვება დაიწყო და საბოლოოდ ატმოსფეროში შევიდა.
