1771959510
უცხოეთი
კოშტა: რუსეთი მოლაპარაკებების მაგიდასთან ვერ მიიღებს იმას, რასაც ბრძოლის ველზე ვერ მიაღწია
ევროპული საბჭოს პრეზიდენტმა ანტონიო კოშტამ განაცხადა, რომ რუსეთს არ შეუძლია უპირატესობა მოიპოვოს მოლაპარაკებების მაგიდასთან, როდესაც ბრძოლის ველზე დანაკარგებს განიცდის. ამის შესახებ მან კიევში გამართულ პრესკონფერენციაზე განაცხადა.
„რუსეთს არ შეუძლია უპირატესობა მოიპოვოს მოლაპარაკებების მაგიდასთან, როდესაც ის ბრძოლის ველზე ბევრს კარგავს“, - აღნიშნა კოშტამ.
კოშტამ აშშ-ს სამშვიდობო მოლაპარაკებების ორგანიზებისთვის მადლობა გადაუხადა და დასძინა, რომ „რუსეთი უნდა შეეგუოს იმ ფაქტს, რომ მას გამარჯვება არ შეუძლია“.
„უკრაინა გადარჩა და რუსეთმა ომში თავის მიზანს ვერ მიაღწია“, - დაასკვნა მან.
ამასთან, ევროპული საბჭოს ხელმძღვანელმა უკრაინის ევროკავშირში წევრობას მთელი ევროპის უსაფრთხოების გარანტიაც უწოდა.
