დემოკრატი კონგრესმენი დონ ბეიერი აშშ-ის პრეზიდენტ დონალდ ტრამპის მიერ ევროპის რამდენიმე ქვეყნისთვის ტარიფების დაწესებას აკრიტიკებს და აცხადებს, რომ ტრამპს ამის უფლება არ აქვს.

ბეიერის თქმით, ტრამპის ქმედება კანონსაწინააღმდეგოა და ამერიკისთვის სრულ კატასტროფას წარმოადგენს.

„ტრამპს არ აქვს იურიდიული უფლებამოსილება, დააკისროს ამერიკის მოკავშირეებს ტარიფები, რათა ზეწოლით აიძულოს ისინი, მხარი დაუჭირონ გრენლანდიის მიტაცების მის უგუნურ მცდელობას. ეს კანონის საწინააღმდეგოა, ეს სრული კატასტროფაა ამერიკისთვის. კონგრესსა და უზენაეს სასამართლოში რესპუბლიკელებმა უნდა მოიკრიბონ ძალები და შეაჩერონ ეს“, - წერს დონ ბეიერი X-ზე.

17 იანვარს აშშ-ის პრეზიდენტმა Truth Social-ზე გაავრცელა ინფორმაცია, რომ გრენლანდიის გამო, ევროპული ქვეყნების ნაწილს - დანიას, ნორვეგიას, შვედეთს, საფრანგეთს, გერმანიას, გაერთიანებულ სამეფოს, ნიდერლანდებსა და ფინეთს, 2026 წლის თებერვლიდან ტარიფებს უწესებს.

Trump has no legal authority to tariff American allies to bully them into backing his brainless attempt to seize Greenland.

This is against the law, it’s a total disaster for America, and Republicans in Congress and the Supreme Court need to find their spines and stop it. https://t.co/MpNk2Sx4yJ

— Rep. Don Beyer (@RepDonBeyer) January 17, 2026