რუსეთის პრეზიდენტის წარმომადგენელმა კირილ დმიტრიევმა განაცხადა, რომ მან ამერიკელ კოლეგებთან ფლორიდაში შეხვედრის დროს რუსული ნავთობის მნიშვნელობა განიხილა.

„დღეს ბევრი ქვეყანა, პირველ რიგში, აშშ, იწყებს, უკეთ გააცნობიეროს რუსული ნავთობისა და გაზის ძირითადი, სისტემური როლი გლობალური ეკონომიკის სტაბილურობის უზრუნველყოფაში, ასევე, რუსეთის წინააღმდეგ სანქციების არაეფექტურობა და დესტრუქციული ხასიათი“, - განაცხადა დმიტრიევმა Telegram-ზე.

დმიტრიევის კომენტარები მას შემდეგ გაკეთდა, რაც გასულ ღამეს ვაჭრობისას ნავთობის ფასმა ბარელზე 100 დოლარს გადააჭარბა, რადგან აშშ-ისა და ისრაელის ომი ირანთან გლობალური საწვავის მარაგს ამცირებს.

დეფიციტის შედეგად, აშშ-მა ინდოეთს რუსული ნავთობის შესაძენად 30-დღიანი შეღავათი მისცა, ნიუ-დელიზე ტრამპის ხანგრძლივი ზეწოლის კამპანიის მიუხედავად, რუსული ნავთობისგან თავი შეეკავებინა. 

დმიტრიევის თქმით, მან და ტრამპის ადმინისტრაციის წარმომადგენლებმა განიხილეს პროექტები, რომლებსაც შეუძლია, „წვლილი შეიტანოს რუსეთ-აშშ-ის ურთიერთობების აღდგენასა და გლობალურ ენერგეტიკულ ბაზრებზე არსებულ კრიზისში“.