1735145169
უცხოეთი
ხმელთაშუა ზღვაში რუსული სატვირთო გემის ჩაძირვა ტერორისტულ აქტად შეფასდა - TASS
ხმელთაშუა ზღვაში რუსული გემის, „ურსა მაიორის“ წინააღმდეგ ტერაქტი განხორციელდა - ამის შესახებ TASS-ს კომპანია Oboronlogistics-ის პრესსამსახურში განუცხადეს.
რუსული გამოცემის ცნობით, ეკიპაჟის წევრების ჩვენებებიდან ირკვევა, რომ 23 დეკემბერს, მოსკოვის დროით 13:50 საათზე, ბორტზე ზედიზედ სამი აფეთქების ხმა გაისმა და გემი მკვეთრად, დაახლოებით 25 გრადუსით გადაიხარა, რაც Oboronlogistics-ის განმარტებით, წყლის შემოდინებაზე მიუთითებდა.
ბორტზე მყოფი 16 მეზღვაურიდან 14 მაშველებმა ესპანეთის ქალაქ კარტახენას პორტში გადაიყვანეს, კიდევ ორი უგზო-უკვლოდ დაკარგულად ითვლება.
