კანადის პრემიერი: გრენლანდიის მომავალს მხოლოდ დანია და გრენლანდია წყვეტენ
კანადის პრემიერ-მინისტრმა მარკ კარნიმ განაცხადა, რომ მხოლოდ დანიას და გრენლანდიას შეუძლიათ არქტიკული კუნძულის მომავლის გადაწყვეტა. ამის შესახებ მან 6 იანვარს პარიზში მედიასთან შეხვედრის დროს განაცხადა.
„გრენლანდიის მომავალი მთლიანად გრენლანდიისა და დანიის მოსახლეობის გადასაწყვეტია“, - აცხადებს მარკ კარნი.
კანადის პრემიერ-მინისტრი ასევე შეხვდა დანიის პრემიერ-მინისტრ მეტე ფრედერიკსენს.
კარნიმ ხაზი გაუსვა კანადის მხარდაჭერას დანიის სუვერენიტეტისა და ტერიტორიული მთლიანობის მიმართ, მათ შორის გრენლანდიის მიმართაც.
აშშ-ის პრეზიდენტმა დონალდ ტრამპმა ვენესუელაში აშშ-ის ოპერაციის შემდეგ განაცხადა - „ჩვენ ნამდვილად გვჭირდება გრენლანდია.“
თეთრი სახლის ლიდერის თქმით, გრენლანდია რუსული და ჩინჯური გემებით არის გარშემორტყმული, შტატებს კი ის თავდაცვისთვის სჭირდება.
