„ევროკავშირი ვენესუელაში არსებულ ვითარებას ყურადღებით აკვირდება“, - ამის შესახებ საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა კაია კალასმა განაცხადა.

მისივე თქმით, გაერთიანებამ არაერთხელ აღნიშნა, რომ ვენესუელის პრეზიდენტი ნიკოლას მადურო ლეგიტიმურობას მოკლებულია

„ვესაუბრე სახელმწიფო მდივან მარკო რუბიოს და კარაკასში ჩვენს ელჩს. ევროკავშირი ვენესუელაში არსებულ ვითარებას ყურადღებით აკვირდება. ევროკავშირმა არაერთხელ განაცხადა, რომ ბატონ მადუროს ლეგიტიმურობა აკლია და მშვიდობიანი გარდამავალი პერიოდის მომხრეა. ნებისმიერ ვითარებაში, საერთაშორისო სამართლისა და გაეროს ქარტიის პრინციპები დაცული უნდა იყოს,” – წერს კაია კალასი სოციალურ ქსელ X-ზე.

კალასის თქმით, გაერთიანებისთვის მთავარ პრიორიტეტს ვენესუელაში ევროკავშირის მოქალაქეების უსაფრთხოება წარმოადგენს.

I have spoken with Secretary of State Marco Rubio and our Ambassador in Caracas. The EU is closely monitoring the situation in Venezuela.

The EU has repeatedly stated that Mr Maduro lacks legitimacy and has defended a peaceful transition. Under all circumstances, the principles…

— Kaja Kallas (@kajakallas) January 3, 2026