27 ივნისის ღამეს ირანის ისლამური რევოლუციის გუშაგთა კორპუსმა ახლო აღმოსავლეთში ამერიკულ სამიზნეებზე იერიში მიიტანა, რითაც აშშ-ის დარტყმებს უპასუხა. ამის შესახებ The Times of Israel-ი იუწყება. 

„ამ აგრესიის საპასუხოდ, ირანის ისლამური რევოლუციის გუშაგთა კორპუსის საზღვაო ძალებმა რეგიონში ამერიკული ტერორისტული არმიის პოზიციებზე დარტყმები განახორციელეს... შეერთებულმა შტატებმა სცადა ამ ვალდებულების [ცეცხლის შეწყვეტის] დარღვევა, რაზეც საჭირო რეაგირება მოხდა. თუ აგრესია განმეორდება, ჩვენი პასუხი ამაზე უფრო მასშტაბური იქნება“, - ნათქვამია განცხადებაში.

აღსანიშნავია, რომ მანამდე აშშ-ის ვიცე-პრეზიდენტი ჯეი დი ვენსიც დაემუქრა ირანს იმასთან დაკავშირებით, რომ თეირანმა პირველმა დაარღვია ცეცხლის შეწყვეტის შეთანხმება, როდესაც ჰორმუზის სრუტეში კომერციულ გემს დაარტყა.

„ირანმა ხელი მოაწერა ცეცხლის შეწყვეტის შეთანხმებას. ჩვენ მას ვასრულებთ. თუ მათ ურთიერთგაგების მემორანდუმის შესრულებასთან დაკავშირებით უთანხმოება აქვთ, შეუძლიათ, დაგვიკავშირდნენ. მაგრამ ძალადობას ძალადობით ვუპასუხებთ“, - დაწერა ვენსმა X-ზე.

Iran signed a ceasefire agreement. We have honored it. If they have disagreements about how the MOU is being applied, they can pick up the phone.

But violence will be met with violence. https://t.co/VWnBS1PWaV

— JD Vance (@JDVance) June 26, 2026