ამერიკელი მილიარდერის, ჯეფ ბეზოსის რაკეტა, Blue Origin, კანავერალის კონცხზე, სასტარტო მოედანზე, ტესტირების დროს აფეთქდა. ამის შესახებ Deutche Welle იუწყება.

„რაკეტის სტარტის დროს მის ძრავს ანომალია დაემართა“, - განაცხადეს კომპანიაში. ამავე ინფორმაციით, პერსონალის მხრიდან არავინ დაშავებულა.

NASA-ს ნაციონალური სამმართველოს ხელმძღვანელმა, ჯარედ აიზეკმანმა აღნიშნა, რომ სააგენტო ყველა მხარესთან ითანამშრომლებს, რათა დაადგინოს „მისიისთვის მოკლევადიანი შედეგები და რაკეტების გაშვება აღდგეს“.

Blue Origin-ს კონტრაქტი აქვს გაფორმებული აშშ-ის კოსმოსურ სააგენტოსთან და მან მთვარეზე ასტრონავტების დაშვების მოდული უნდა შექმნას Artemis-ის პროგრამის ფარგლებში. თავდაპირველად ბეზოსის კომპანიას მოდული Artemis V მისიისთვის უნდა შეექმნა, მაგრამ შემდეგ გაირკვა, რომ ილონ მასკის კომპანია SpaceX, რომელიც Artemis III და Artemis IV-ის მისიებისთვის კოსმოსური ხომალდი უნდა შეექმნა, გრაფიკში ვერ ეტევა.

ამის შემდეგ NASA-მ მისიაში Blue Origin-იც ჩართო, რათა Artemis III-ის მისიის განხორციელება დაჩქარდეს. კონტრაქტის ფასი 3,4 მლრდ დოლარს შეადგენს.