„იტალიის მთავრობამ ესპანეთთან შენგენის ზონით გათვალისწინებული უვიზო გადაადგილება დროებით შეზღუდა. მიღებული გადაწყვეტილება ესპანეთის ანკლავ სეუტაში არალეგალი მიგრანტების მასშტაბურ შემოდინებას უკავშირდება“, ამის შესახებ Reuters-ი იუწყება.

მიუხედავად იმისა,  რომ იტალიასა და ესპანეთს შორის სახმელეთო საზღვარი არ არსებობს, ახალი რეგულაციები გავრცელდება იმ პირებზე, რომლებიც ორ ქვეყანას შორის საჰაერო ან საზღვაო ტრანსპორტით გადაადგილდებიან.

ამასთანავე, იტალიის შინაგან საქმეთა სამინისტროს განცხადებით, უწყება საფრანგეთთანაც შეთანხმდა, რის შედეგადაც საფრანგეთ-იტალიის სახმელეთო საზღვარზე კონტროლის ზომები მნიშვნელოვნად გამკაცრდება.

ცნობისთვის, სეუტაში შექმნილი კრიზისი ბოლო 24 საათში განსაკუთრებით გამწვავდა - მაროკოს მხრიდან ესპანეთის ჩრდილოაფრიკულ ანკლავში 60 ათასამდე მიგრანტი შევიდა. საზღვრის გადაკვეთის მცდელობისას დაღუპულთა რაოდენობა 57-მდე გაიზარდა. უსაფრთხოების უზრუნველსაყოფად ესპანეთის ხელისუფლება ანკლავში დამატებითი სამხედრო ქვედანაყოფების განლაგებას გეგმავს.