ISW: რუსეთი აშშ-ის „სამშვიდობო გეგმის“ უარყოფისთვის ემზადება
რუსი ოფიციალური პირები და სახელმწიფო მედია აგრძელებენ საინფორმაციო პირობების შექმნას აშშ-ის მიერ შემოთავაზებული „სამშვიდობო გეგმის“ უარყოფისთვის.
როგორც ომის შესწავლის ინსტიტუტის ანალიტიკოსები წერენ, ეს მიუთითებს იმაზე, რომ კრემლი რუსეთის მოსახლეობას ამზადებს იმისთვის, რომ უკრაინაში სრული გამარჯვების გარდა სხვა ვარიანტი არ მიიღოს.
ამგვარად, რუსეთის სახელმწიფო დუმის საერთაშორისო საქმეთა კომიტეტის თავმჯდომარის პირველმა მოადგილემ, ალექსეი ჩეპამ განაცხადა, რომ ნებისმიერი გეგმა სრულად უნდა აკმაყოფილებდეს რუსეთის მოთხოვნებს.
მან ასევე გაიმეორა, რომ რუსეთის მიზანია, რომ ნებისმიერი სამშვიდობო შეთანხმება უკრაინაში ომის სავარაუდო „ძირითად მიზეზებს“ მოიცავდეს. მან ასევე აღნიშნა, რომ სამშვიდობო გეგმა, მაინც არასაკმარისია რუსეთის მაქსიმალისტური მოთხოვნების დასაკმაყოფილებლად.
რუსეთის სახელმწიფო ტელეარხები და სამხედრო მედია მსგავს ნარატივებს ავრცელებენ, მათ შორის იმას, რომ რუსეთი მხოლოდ იმ სამშვიდობო გეგმაში მიიღებს მონაწილეობას, რომელიც ომის ძირეულ მიზეზებს განიხილავს, რაც იმაზე მიუთითებს, რომ რუსეთი არ არის დაინტერესებული რაიმე სამშვიდობო მოლაპარაკებებით, ვიდრე ბრძოლის ველზე თავის მიზნებს არ მიაღწევს.
ასევე, სახელმწიფო დუმის თავდაცვის კომიტეტის წევრმა ანდრეი კოლესნიკმა განაცხადა, რომ რუსეთი არ დათმობს უკრაინაში არსებულ არცერთ ტერიტორიას, რომელიც უკანონოდ აქვს ანექსირებული, თუნდაც იმ ტერიტორიებს, რომლებიც რუსეთს სრულად არ აქვს ოკუპირებული, მაგალითად, ზაპოროჟიეს ოლქს:
„კოლესნიკის განცხადება მიუთითებს, რომ კრემლი არ არის დაინტერესებული ტერიტორიული კომპრომისებით“.
კოლესნიკმა, ასევე, გაიმეორა ცრუ ნარატივი, რომ რუსეთის გამარჯვება უკრაინაში გარდაუვალია და უკრაინა დაუყოვნებლივ უნდა დაემორჩილოს რუსეთის ყველა მოთხოვნას. იგივე პოზიცია გამოთქვა რუსეთის ლიბერალურ-დემოკრატიული პარტიის (LDPR) ხელმძღვანელმა და სახელმწიფო დუმის დეპუტატმა ლეონიდ სლუცკიმ, რომელმაც განაცხადა, რომ სამშვიდობო გეგმა დარეგულირებისთვის „კარგ საფუძველს“ წარმოადგენს, თუმცა რუსეთის წინსვლა აღმოსავლეთ უკრაინაში „არანაკლებ დამაჯერებელი არგუმენტებია“ - რაც გულისხმობს, რომ რუსეთს კვლავ აქვს გადაწყვეტილი უკრაინაში ომის გაგრძელება.
ამავდროულად, ISW ხაზს უსვამს, რომ რუსეთის გამარჯვება გარდაუვალი არ არის.
„უკრაინას და დასავლეთს შეუძლიათ ისარგებლონ რუსეთში არსებული რამდენიმე ძირითადი სისუსტით, რათა აიძულონ კრემლი მოლაპარაკებებზე და რეალურ დათმობებზე წავიდეს“, - ხაზგასმით აღნიშნეს ანალიტიკოსებმა.
