ისრაელის თავდაცვის ძალებმა და უსაფრთხოების სამსახურმა (შინ ბეტმა) განაცხადეს, რომ 25 დეკემბრის დილას ლიბანის ჩრდილო-აღმოსავლეთით განხორციელებული იერიშის შედეგად ირანის „ყუდსის ძალების“ ოპერაციების დანაყოფის ერთ-ერთი მთავარი მეთაური მოკლეს.

„ყუდსის ძალები“ ირანის ისლამური ​​რევოლუციის გუშაგთა კორპუსის ხუთი შტოდან ერთ-ერთია.

ლიბანის სახელმწიფო საინფორმაციო სააგენტომ განაცხადა, რომ სირიის საზღვრისკენ მიმავალ ავტომობილზე ისრაელის დრონით განხორციელებული იერიშის შედეგად ორი ადამიანი დაიღუპა.

ისრაელის განცხადებაში ნათქვამია, რომ სამიზნე ჰუსეინ მაჰმუდ მარშად ალ-ჯავაჰარი ბოლო წლებში მონაწილეობდა „ისრაელის წინააღმდეგ ტერორისტული შეთქმულებების განხორციელებაში სირია-ლიბანის არენაზე“.

მასში აღნიშნულია, რომ ოპერაციების დანაყოფი, ასევე ცნობილი, როგორც 840-ე დანაყოფი, „არის დანაყოფი, რომელიც ხელმძღვანელობს და პასუხისმგებელია ირანის ტერორისტულ საქმიანობაზე ისრაელის სახელმწიფოს წინააღმდეგ“.

სამხედროები დრონით გადაღებულ თავდასხმის ამსახველ კადრებს ავრცელებენ.

בפעילות משותפת של צה״ל ושב״כ: חוסל מחבל מרכזי ביחידת המבצעים של 'כוח קדס' האיראני

צה״ל ושב״כ חיסלו מוקדם יותר היום במרחב נצריה שבלבנון את חסין מחמוד מרשד אלג׳והרי, מחבל מרכזי ביחידת המבצעים של 'כוח קדס' (840), אשר היה מעורב בשנים האחרונות בקידום מתווי טרור נגד מדינת ישראל בזירת… pic.twitter.com/9X2NJClmDJ

— צבא ההגנה לישראל (@idfonline) December 25, 2025