ისრაელის თავდაცვის ძალების ცნობით, ბეირუთში ისრაელის საჰაერო დარტყმის შედეგად „ჰეზბოლას“ მაღალი რანგის მეთაურები მოკლეს, რომლებიც პასუხისმგებელნი იყვნენ ლიბანის ტერორისტულ დაჯგუფებასა და პალესტინის ტერორისტულ ორგანიზაციებს შორის კოორდინაციაზე.

სამხედროების თქმით, ლიბანის დედაქალაქში განხორციელებული დარტყმის სამიზნედ იქცა და მოკლეს „ჰეზბოლას“ დანაყოფის მეთაურის მოადგილე ჰამზა იბრაჰიმ რახინი, დანაყოფის ოპერაციების ხელმძღვანელი და კიდევ ერთი ოპერატიული თანამშრომელი.

„1 800-ე დანაყოფი პასუხისმგებელია „ჰეზბოლას“ ტერორისტულ ორგანიზაციასა და პალესტინის ტერორისტულ ორგანიზაციებს შორის კოორდინაციაზე ლიბანში, ღაზაში, სირიასა და იუდეასა და სამარიაში (დასავლეთ სანაპირო)“, - ნათქვამია ისრაელის თავდაცვის ძალების განცხადებაში.

სამხედროების თქმით, დანაყოფის უფროსის მოადგილე, ასევე, ზედამხედველობდა სამხრეთ ლიბანში პალესტინელი ტერორისტული აგენტების განლაგებას, რომლებიც ისრაელის ჯარებს უპირისპირდებოდნენ. 

ისრაელის თავდაცვის ძალების ცნობით, ბეირუთში განხორციელებული დარტყმების დროს მათ, ასევე, „ჰეზბოლას“ შტაბ-ბინა და სამეთაურო ცენტრები დაბომბეს.