ისრაელის თავდაცვის ძალების განცხადებით, ქალაქ ღაზას აღმოსავლეთით, მუსლიმურ სასაფლაოზე ჩატარებული გამოძიების შემდეგ ნაპოვნი და იდენტიფიცირებულია პოლიციის უფროსი სერჟანტის რან გვილის ცხედარი.

სამხედრო წარმომადგენლებმა გვილის ოჯახს აცნობეს, რომ მის ცხედარს ისრაელში დაკრძალვის მიზნით გადაასვენებენ.

გვილი უკანასკნელი მძევალია 251 მძევალს შორის, რომლებიც 2023 წლის 7 ოქტომბერს ისრაელზე „ჰამასის“ თავდასხმის დროს გაიტაცეს და სამშობლოში დააბრუნეს. 

გვილი, 24 წლის პოლიციელი, 2023 წლის 7 ოქტომბერს „ჰამასის“ მეთაურობით ისრაელზე განხორციელებული თავდასხმის დროს დაიღუპა.

ისრაელის პრემიერ-მინისტრმა ბენიამინ ნეთანიაჰუმ განაცხადა, რომ უფროსი სერჟანტის რან გვილის ცხედრის დაბრუნება „ისრაელისთვის არაჩვეულებრივი მიღწევაა“.

„ჩვენ პირობა დავდეთ და მეც დავდე პირობა, რომ ყველას დავაბრუნებდით და ყველა დავაბრუნეთ. რანი ისრაელის გმირია. ის პირველი შევიდა, ბოლო გამოვიდა. ის დაბრუნდა“, - განაცხადა მან.