ისრაელის თავდაცვის ძალების განცხადებით, ბეირუთის სამხრეთ გარეუბანში „ჰეზბოლას“ ობიექტებზე მორიგი ავიაიერიში მიიტანეს. 

სამხედროების ცნობით, გასულ ღამესა და დღეს დილით განხორციელებული დარტყმების სამიზნე „ჰეზბოლას“ სამეთაურო ცენტრები, იარაღის საცავები და სხვა ინფრასტრუქტურა იყო. 

მათივე თქმით, ბოლო ორი დღის განმავლობაში დაჰიეში „ჰეზბოლას“ 30-ზე მეტ სამიზნეზე მიიტანეს იერიში.  

ისრაელის თავდაცვის ძალების განცხადებით, „ჰეზბოლას“ ობიექტები განთავსებული იყო დასახლებული ტერიტორიის შუაგულში. მათ ტერორისტული დაჯგუფება ადამიანების ფარად გამოყენებაში დაადანაშაულეს. 

საჰაერო იერიშამდე ისრაელის ძალებმა რეგიონში მცხოვრებ მშვიდობიან მოსახლეობას ევაკუაციისკენ მოუწოდა. 

מטוסי קרב של חיל האוויר, בהכוונת אגף המודיעין, השלימו לפני זמן קצר סדרת תקיפות נוספת במרחב הדאחייה שבביירות בה הותקפו מחסני אמצעי לחימה, מפקדות צבאיות ותשתיות נוספות שהיו בשימוש ארגון הטרור חיזבאללה>> pic.twitter.com/4aIVr3LVyH

— צבא ההגנה לישראל (@idfonline) November 14, 2024