ისრაელი განიხილავს „ჰამასის“ პასუხს ღაზაში ცეცხლის შეწყვეტის წინადადებაზე
ისრაელი ცეცხლის შეწყვეტის შესახებ „ჰამასის“ წარდგენილ წინადადებას განიხილავს, - ამის შესახებ განცხადება პრემიერ-მინისტრ ბენიამინ ნეთანიაჰუს ოფისმა გაავრცელა.
შუამავლები აგრძელებენ მუშაობას შეთანხმებაზე, რომელმაც შეიძლება დაასრულოს თითქმის ცხრათვიანი ბრძოლა ღაზას სექტორში.
„ისრაელი განიხილავს შეთავაზებას და შუამავლებს პასუხს მიაწვდის“, - ნათქვამია განცხადებაში.
მანამდე, ისრაელმა 27 მაისს წარადგინა თავისი წინადადება მძევლების გათავისუფლების შესახებ. 31 მაისს აშშ-ის პრეზიდენტმა ბაიდენმა აღნიშნა, რომ ისრაელის შეთავაზება თითქმის იდენტური იყო „ჰამასის“ მიერ გაკეთებული წინა შეთავაზებისა.
11 ივნისს „ჰამასმა“ წარმადგინა პასუხი ისრაელის წინადადებაზე, რომელიც აშშ-მა ათეულობით შესწორების გამო გააკრიტიკა. მომდევნო კვირებში შუამავლები მუშაობდნენ „ჰამასის“ ზოგიერთი მოთხოვნის მოხსნაზე, რასაც უახლესი წინადადება მოჰყვა.
